Home Audio YANGA YAISULUBU SIMBA 2 BILA LEO TAIFA

YANGA YAISULUBU SIMBA 2 BILA LEO TAIFA

SHARE
Mfungaji wa goli la kwanza Amis Tambwe (kushoto) akishangilia na Donald Ngoma baada ya kuifungia Yanga goli la kwanza

Mfungaji wa goli la kwanza Amis Tambwe (kushoto) akishangilia na Donald Ngoma baada ya kuifungia Yanga goli la kwanza

Baada ya kusota kwa miaka kadhaa
hatimaye leo Yanga wamewatuliza watani zao wa Msimbazi Simba kwa
kuwabanjua kwa goli 2-0 kwenye mchezo wa ligi kuu Tanzania bara wa
raundi ya nne ulipigwa kwenye uwanja wa Taifa.
Amis Tambwe na Malimi Busungu
wameibuka mashujaa kwenye mchezo wa leo lakini sifa pekee zinaenda kwa
Busungu aliyeingia kipindi cha kwanza kuchukua nafasi ya Msuva na
kutengeneza bao lililofungwa na Tambwe dakika ya 44 kipindi cha kwanza
kabla ya yeye kufunga bao la pili dakika ya 79 kipindi cha pili.
Amis Tambwe (kulia) akipongezwa na mshambuliaji mwenzake wa timu hiyo Donald Ngoma

Amis Tambwe (kulia) akipongezwa na mshambuliaji mwenzake wa timu hiyo Donald Ngoma
Simba watajilaumu wenyewe kwa
kushindwa kufunga mabao kipindi cha kwanza wakati wanatawala mchezo
kabla ya mambo hayajawa magumu baadae walipofungwa.
Mpira ulianza kwa kasi huku Simba
wakitawala sana sehemu kubwa ya mchezo na mara nyingi walitengeneza
mashambulizi lakini safu ya ushambuliaji iliyokuwa inaongozwa na Hamis
Kiiza pamoja Mussa Mgosi ilishindwa kutumia nafasi hizo kufunga magoli.
Muda mwingi wa kipindi cha kwanza
Yanga walikuwa wakishambuliwa huku Simba wakitengeneza mashambulizi yao
kupitia upande wa winga ya kulia na kumpa Haji Mwinyi kazi ya ziada.
Wachezaji wa timu ya Yanga wakishangilia goli lao la kwanza lililofungwa na Amis Tambwe

Wachezaji wa timu ya Yanga wakishangilia goli lao la kwanza lililofungwa na Amis Tambwe
Baada ya kuonekana mchezo
umemkataa Simon Msuva, kocha wa Yanga alifanya mabadiliko ndani ya
kipindi cha kwanza kwa kumtoa Msuva na nafasi yake ikachukuliwa na
Malimi Busungu ambaye alionesha uhai mkubwa na badae kutoa pasi ya goli
lililofungwa na Amis Tambwe.
Kipindi cha pili mambo yaligeuka
baada ya Yanga kumiliki mchezo na kufanya mashabulizi kadhaa kwenye
lango la Simba yaliyokuwa na madhara. 
Mashabiki wa timu ya Simba wakiwa hawaamini kilichotokea baada ya timu yao kupigwa bao 2-0 mbele ya Yanga

Mashabiki wa timu ya Simba wakiwa hawaamini kilichotokea baada ya timu yao kupigwa bao 2-0 mbele ya Yanga
Wakati Simba wakipambana
kusawazisha goli walilofungwa kipindi cha kwanza, Malimi Busungu
alitupia goli la pili na kuzima kabisa matumaini ya kuambulia hata sare
kwenye mchezo wa leo.